2015年11月12日 星期四

食慾之秋‧御名軒

大閘蟹時節黎到尾段,其實我已經拆左兩轉任食大閘蟹,每次食左十隻以上,但依然未夠喉。

所以今次就約左再食過,不過就貴精不貴多啦:)

去左天后既御名軒,地鐵站一出就係,連我呢個路痴都可以自己搵到路。


我對呢類帶魚睇既餐廳特別有好感XD
唔想唸太多,就黎左個套餐,每位HK$520




御名一品拼盤,食住等,樣樣都唔錯,但感覺有少少油。


時令燉靚湯,本身就好鐘意飲湯,無飯家庭無乜湯水,一出街我都會飲多兩啖。


味甜又香濃,雖然我唔知係用咩料煲XD


大閘蟹終於上啦,好滿足,1人有2隻,分兩次上,食既時候熱辣辣架呢>v<


雖然係季尾,但蟹膏依然超豐富,朋友知我鐘意仲讓多左隻俾我食,3隻都又香又滑,超級滿足。


開始秋涼,廚師推介既滋味羊腩煲,我本身對羊腩煲既興趣不大,但呢個又唔會太羊騷味,支竹食到舔舔脷。



水晶貴妃雞望落唔係好水晶XD
味道唔錯,但再嫩滑D就更正。


蜜椒薯仔牛柳粒,估唔到咁好味>v<
蜜椒好香口,薯仔綿綿香香,牛柳粒都好嫩,細細粒好易食。


蝦子野菌豆腐
我本身又係麻麻地豆腐的,但呢個豆腐入味得黎唔會太淋,蝦子好香啊:)


有機四合菜我淨係食左西蘭花,唔鐘意食菜既小朋友表示還不錯。
望落翠綠唔食得都睇得下。


主食黎左個臘味飯,我地食得太慢,個飯唔記得落豉油再焗多陣,但依然好味道。
我比較鐘意食硬飯,所以感覺很好,友人就想軟身多少少。


蟹粉小籠包當甜品,已經飽到食唔落啦!
但好香蟹粉味,湯汁流哂出黎,Juicy!

整體滿足度好高既一餐,坐得舒服,食得開懷,食物質素中上,大閘蟹真係好回味,Encore值很高:)

沒有留言:

張貼留言

Related Posts Plugin for WordPress, Blogger...