2015年11月28日 星期六

Soft Off隨身‧帶Macaron去旅行

為旅行做足準備:)
無錯,我又準備去旅行啦XD
今年都一次過補返哂早幾年既旅行,雖然今次係工作Trip,但會留十日自己去玩XDDD
工作都要休息下架嘛,係咪?

平時我要係工作之間既空檔先會整甲既,因為整左甲硬係會就住就住。
但去做完野就去玩,唔係唔整返D甲下話?

新入手!

Le Mini Macaron – Gel Manicure Kits
可愛既Macaron造型燈機,的骰小巧,加埋一枝甲油打三枝,同底油、面油SAY 88啦:)
帶埋佢去旅行咪可以做完野先整個靚甲去玩囉!




清死皮、修靚甲型,第一層直接上色照燈樣秒,再油第二層甲色再照燈秒。
話咁快搞掂。


一套包左燈機、甲油、整甲連拆甲既工具,順時出Trip入返套就可以拎住走啦。


即刻試下先,推開死皮,修靚甲型,工具細細枝唔算太好揸手,但都唔難用,旅行中都係細D好。
上左第一層甲油,望落飽和度都唔錯,燈機每次只可以放一隻手指,禁一禁頂頂個開關,30秒自動關機。


同一般Soft off差唔多,照完燈會有少少收縮,油埋第二層就靚哂。
一隻手指照緊燈,可以油住另一隻先。
整哂10隻手指都係15分鐘左右,要逐隻手指照都唔算太麻煩,因為慳左底油同面油啦嘛:)


好多女仔怕紅色難Handle,好似我咁加多層閃粉甲油上面,即刻好有聖誕氣氛啦:)


人有錯手,一個唔小心整花左隻甲都要唸定點搞。
套裝有10片卸甲用既濕紙巾,包住隻甲15分鐘,再用推死皮枝棒棒就可以重新黎過。


安全起見,試下Work唔Work先,我懶懶地,包左5分鐘左右。


甲油既閃粉甩哂,亦都唔難推走Soft off Gel,但包夠15分鐘應該仲易推。


另外,我係美容展都入手左呢枝銀色Nail Artist Pen,整甲就更多花款啦:)

Le Mini Macaron全線產品,於11月27日起Log On有售。
「產品及有關資料由品牌提供」

沒有留言:

張貼留言

Related Posts Plugin for WordPress, Blogger...