2016年5月21日 星期六

藝術彩妝之夏@NARS渡假風

唔知大家感受到夏日既熱浪未呢?!
但Yandy明明已經放完假,但仍然沈醉係放假既氣氛之中XD


無計啦,最近都係對住佢地,難免有D不自覺既慵懶感((懶就懶啦^^"




慶生日Yandy唔係去慶生,反而去左NARS係尖沙咀海港城Facesss既Pop-up Store,NARS crossover 當代藝術家 Konstantin Kakanias 以其原創插畫創作左多款沙灘女郎造型,為2016既 Summer Color Collection 帶來獨特既限量版包裝,準備攻佔香港既夏季彩妝啦:)

美國、韓國、台灣及香港既 NARS 首席化妝師全部聚首一堂,親自為顧客提供專業一對一彩妝服務,緊係要把握機會,化返個靚妝啦:)

咁岩仲睇到彩妝示範,即刻埋位學下野先。
眼妝既漸次感可以藉加深眼頭同眼尾位置,帶出立體感,係眼尾用彩色眼影仲可以令眼仔更精靈添。
而斜掃胭脂有拉長面型既效果大家都知,但原來將胭脂斜掃混埋入陰影到,效果仲更加明顯架。


Model本身都靚架啦,化完妝立即好有立體感,眼仔精靈得黎好吸睛。


跟住就到我自己俾人化啦,好期待>////<
幫我化妝既係Pire Fun,係台灣既化妝師,以客制化既妝容,令每一位女生都可以擁有屬於自己既美。
佢一睇就知我肌膚比較缺水,先用萬能Cream幫我打個底做好底層保濕,呢個Cream都係我愛用品之一,雖然加左幾次價,但都係要Keep住買XD
打好個底再上妝,Pire既手指真係好神速,三、兩下手勢已經將底妝上完,妝感貼服自然到好似另一層肌膚咁,仲好通透添呀,Like!


Pier知道我約左男朋友食生日飯,佢話男仔最鐘意似有若無既妝容,所以眼影同胭脂都係以淡然為主,完全正中我既紅心,簡單自然,突出肌膚既透亮感。


偷完師當然要實習下,等我準備好NARS限量珍藏版Summer Color Collection先。


唔知點解,覺得渡假風係一定要紮頭髮既XD
所以咁短頭髮都要紮一紮,順手化靚個底,無大師級既通透感,但有隨意既慵懶感。


DUAL-INTENSITY EYESHADOW $260/1.5g
(左上) TAN LINES, Rich Hazelnut (右上) TOPLESS, Seashell Pink
(左下) POOL SHARK, Iridescent Periwinkle (右下) DEEP END, Shimmeering Teal-Green

(1) 用Seashell Pink打好成個底,均勻眼皮膚色既同時,做到柔和既光澤感,做臥蠶位一樣咁自然。
(2) 以TAN LINES, Rich Hazelnut奶茶啡調畫返輪廓,顏色飽和度岩岩好,自然得黎有好唔錯既放大效果。
 (3) 上下眼頭用POOL SHARK, Iridescent Periwinkle帶出澄明既藍調,顏色有少少幼彩感,令眼仔望落有種好通透既感覺。
(4) 最後用DEEP END, Shimmeering Teal-Green放係眼珠位置做主色,眨眼間微微透出清新既感覺,成個眼妝既色調好多,但夾埋又有種一體感。


眼影最厲害既地方係可以乾、濕兩用,整潔枝扁身眼影掃,再沾TAN LINES, Rich Hazelnut啡色眼影,可以畫埋眼線。
我通常都唔太捨得濕用眼影,感覺個壓紋一下就無哂,但呢隻啡色真係好得我既歡心,單用做輪廓位真係一流,濕用又好Creamy易畫,顏色又柔和,非常值得入手既一粒眼影色。


化好眼妝都唔好變臺D眼影住,TAN LINES, Rich Hazelnut仲可以用黎做埋光影架,顏色柔和得黎又有光澤度,做光影都非常適合。


Dual-Intensity Blush $370/6.5g
Liberation (Left: Shimmering Light Pink, Right: Caramel Rose)
Sexual Content (Left: Sandy Peach, Right: Soft Raspberry)

胭脂既部分除左帶出好氣息,對我黎講最重要係要修飾我既包包面。
用Caramel Rose輕輕斜掃上胭脂色,拉長面型,再用Soft Raspberry當陰影掃係面頰兩邊,記得要混合埋岩岩上既胭脂,咁就可以造到最強大既修容效果,成個妝感覺仲會更加統一添。


Lip Cover $250/6ml
質感介乎唇膏同唇膏液之間,觸感豐盈,色澤飽和度同顏色還原度都非常之高。
搽上嘴非常緊貼唇部肌膚,來回搽都唔會翻起唇色,搽起黎非常順心,半霧面既妝效亦係今期流行。


自然貼薄既感覺深得我心,裸唇色得黎帶橙調,親和力、知性up+


四隻唔同色,單用或者混合做咬唇妝都非常合適,特別係做咬唇妝時,溶合得非常自然,望落好有立體感。


最令我驚喜既係佢既持久度非常之令人滿意,用紙巾印走後仍然保留到個顏色,質感變到好似天生唇色既感覺,一枝就可以帶出兩種妝感。


我特別鐘意DO NOT DISTURB呢隻紅色,充滿女人味得黎好有年輕感,有種輕熟女既感覺。
2016年夏天,一齊跟住NARS逃離現實,浸淫在高級時裝的境界當中,無止境地渡假。



推出日期:
4月29日於尖沙咀海運大廈Faces NARS專櫃及金鐘廊Faces NARS專櫃率先發售
5月1日全線NARS專門店及專櫃發售

中環德輔道中20號德成大廈地面1號舖NARS旗艦店 (852) 2918 9886
旺角朗豪坊2樓8號鋪NARS專門店 (852) 3514 9186
尖沙咀廣東道連卡佛NARS專櫃 (852) 2376 2808
尖沙咀海運大廈Facess NARS專櫃 (852) 2111 0415
中環國際金融中心商場3樓連卡佛NARS專櫃 (852) 2753 5822
銅鑼灣時代廣場連卡佛NARS專櫃 (852) 2506 0880
金鐘廊Faces NARS專櫃 (852) 2529 0663
祟光銅鑼灣店地面NARS專櫃 (852) 2573 3263


「產品及有關資料由品牌提供」

沒有留言:

張貼留言

Related Posts Plugin for WordPress, Blogger...