2017年3月2日 星期四

尚鮮‧尚算新鮮

我同男友一向都係食肉獸,海鮮X肉簡直係完美:)

收費$278/位加一,價位唔算平,但預早一星期訂位更有龍蝦附送,4人或以上會送海鮮拼盤,所以約埋朋友一齊食。
我地見等位既人流都唔少,建議Book定有so 呀!




座位寬敞,坐落都仲有位放包包。


清酒同高湯一直無機會用到,另外仲有一盤汁醬,WASABI好似要另外拎。


飲品同甜品都可以自取既,最正係有MOVENPICK雪糕,我由見到個刻開始期待XD


每張枱上會有醬料及電子板方便食客自助下單。
食物種類都唔少,但特色野就無乜,主打食物質量。
大部份食品都任點,有少許海鮮和酒類需要另外付費。


鐘意佢上菜快,唔會拖時間,送既龍蝦+海鮮拼盤好有誠意!!!
生蠔、鮑魚、帶子、蝦同蟹蓋,睇到都流口水呀,食落係新鮮既,不過生蠔安全起見我地都係燒黎食。
叫左一版海膽,都幾有份量,配紫菜又幾唔錯。
清酒煮蜆有D驚喜,蜆肉唔算大粒,有少少沙,但夠鮮嫩,加埋甜甜地既清酒,味道岩岩好。


我地encore左鮑魚,新鮮厚肉又彈牙,實在太正啦!
蟹蓋都係有D驚喜,個汁醬好特別,值得一試。
肉類基本上都好食,醃味NICE,最Like牛粒,有肉味得黎一口一粒方便食:)


魚生、壽司都不過不失。


整體我覺得價錢同質素成正比,坐得舒服,最岩同朋友傾計吹水,邊傾邊燒。
食物汁醬調配得幾出色,海鮮大部分都新鮮,肉類係主打,當然有水準,最正係連甜品都幾高質,值得一試。

沒有留言:

張貼留言

Related Posts Plugin for WordPress, Blogger...