2017年5月13日 星期六

重投HABA懷抱‧100%植物提煉鯊烯美肌清油II登場!!!

Yandy已經好幾年無接觸HABA,係呢次分享前,容許我講少少Background先:)
因為寫Blog初次接觸HABA呢個黎自無添加主義,自然純淨既日本北海道品牌,大約係4/5年前既事,當時幾喜歡呢個品牌,效果亦令人滿意。

之後我轉左工,開始從事鯊魚保育既工作,對鯊魚面對既問題同認識都漸漸加深,當中我負責做過一份報告係研究鯊烯(SQUALANE)呢個鯊魚既副產品,鯊烯係皮膚既主要脂質之一,具天然保濕、修復受損細胞及抗氧化的功效,係保養上係成效非常好既成分。
而呢個成分正正就係HABA既皇牌成分。

不過,鯊烯(SQUALANE) 唔係剩係係鯊魚上先搵得到,之所以會叫鯊烯係因為最初係由鯊魚肝油中發現到既,但事實上,唔少植物亦可以提取到鯊烯,就連我地人類自己身體都會生產鯊烯既去幫肌膚保濕、修復受損細胞及抗氧化。

所以當我再接到HABA既試用邀請時,我就問佢地,HABA產品成分既鯊烯係由邊到提取架?
當時PR同事無相關既資料,畢竟呢個問題應該唔會有客人問^^"
而我亦因為避嫌,所以無接受試用。
所以你會發現我既文章中好幾年唔再有HABA既介紹,唔係因為唔好用,只係避免引起不必要既麻煩。畢竟,自己做鯊魚保育,但又推薦鯊魚副產品呢件事實在自打嘴巴。

而今年,再一次收到HABA既試用:)
我終於安心接受啦!!!


同大家介紹:100%植物提煉鯊烯美肌清油II登場!!!


收到今次既試用,我真係有莫名既感動。
我拒絕左好幾年HABA既試用邀請,原來HABA並無放棄我,反而更積極研發高純度鯊烯既無限可能性,成功研發出100%從植物中提煉出高純度鯊烯,令我呢D小眾,愛美同時又重視對自然生態環境既保護,提供左更多元化的選擇。


多功能化妝水 G-Lotion (HK$260/ 180ml)
VC 美白重生露 VC Lotion II (HK$460/ 180ml)
鯊烯美肌清油II SQUALANE II (HK$195/ 15ml ; HK$300/30ml)


相信大家對G-Lotion 都好熟悉啦,仲記得我呢個懶小孩最鐘意用G-Lotion 時加一滴鯊烯美肌清油,慳時間既保養小撇步XD

換上全100%植物提煉鯊烯美肌清油II同樣岩用架!
通常早上既保養我都會著重保濕度,上妝貼好多,而且最正係可以快速完成,慳返D時間,你懂的XD

如果係比較年輕/不習慣用油質既女生,可以試下呢個用法,感覺比較易接受又舒服架!


晚上呢,時間充裕好多,我就鐘意邊做保養邊嘆,VC 美白重生露 VC Lotion II 係多功能維他命C 美白保濕水,特別適合暗啞、 有色斑皮膚。

具保濕、抗氧化、美白、消滅黑色 素等多重功效,仲有效修護受損細胞,沖涼洗面後,取適量VC 美白重生露搽勻全面,再輕拍至完全吸收,可重複幾次,佢成分內既維他命P 誘導體有助促進血液循環,加速新陳代謝,有即提升肌膚亮澤度既效果架,飽滿水潤,膚色都均勻通透左唔少。


為肌膚補充足夠水分後,必定要做足鎖水功夫,否則不論你如何為肌膚注水,也是枉然。
全新配方鯊烯美肌清油II (SQUALANE II) 就係皮膚保濕力既關鍵,分子結構與肌膚皮脂分泌極爲相似,親膚性高,質感更輕盈,容易被人體吸收。

趁住岩岩搽完Lotion,肌膚仲係濕潤既狀態,用一滴鯊烯美肌清油II,合上雙手輕揉,讓雙手沾滿鯊烯美肌清油,再用雙手在面部輕輕按摩至完全吸收,放輕鬆地做兩三分鐘就OK了!


一滴鯊烯美肌清油II 為肌膚加上一層天然屏障,抵禦紫外線傷害,具備保濕、修復、抗衰老的功效;同時具有親水及親油的特質,能帶動齒輪滲透效應 (Vehicle Effect),為肌膚細胞極速注入源源不絕的養分,適合全年使用。

仲可以配合多種不同用法,能將護膚功效全面發揮,延續健康美肌傳奇。

♥ 全方位滋潤
沐浴後,取適量鯊烯美肌清油II 均勻塗抹在已抹乾的肌膚,特別是容易乾燥的手肘、膝蓋及腳跟位置,令肌膚即時回復細緻柔滑。

♥ 柔順頭髮
對於乾燥、難以打理的頭髮,將適量鯊烯美肌清油II 滴於溫水中,再將水倒在已洗淨的頭髮上,有效潤澤和馴服髮絲。鯊烯美肌清油II 亦能用作髮尾油,修護髮尾開叉及保護頭髮免受風筒的熱力傷害。

♥ 深層清潔毛孔
可於洗澡前,把適量鯊烯美肌清油II 塗抹在臉上,再以保鮮紙自製面膜覆蓋全臉,利用洗澡時的蒸氣將毛孔中的污垢導出。5 至10 分鐘後,取下保鮮面膜並繼續日常洗面步驟。

♥ 防止暗瘡惡化
以少量鯊烯美肌清油II 塗抹於初起暗瘡的位置,能有助暗瘡凋謝。

♥ 紓緩肌膚刺激
脫毛後取適量鯊烯美肌清油II 塗抹在肌膚上,能紓緩乾燥及受刺激的肌膚,減輕泛紅及敏感。

全新鯊烯美肌清油II (SQUALANE II)將於5 月3 日至9 日在香港崇光百貨HABA 美容專櫃優先發售,並於5 月10 日起在所有HABA 美容專櫃發售。

HABA美肌熱線: 2973-6368
Facebook: www.facebook.com/haba.hk
Website: www.haba.com.hk


「產品及有關資料由品牌提供」
Related Posts Plugin for WordPress, Blogger...